!اللي فاهم إعادة الهيكلة… مش هيخاف من اللي جاي

ما بين الترهيب و الواقع!

الفتره اللي فاتت، الـ timeline بتاعي مليان أخبار lay offs…
تسريحات ضخمة من شركات زي Google، Meta، IBM، و Microsoft.

فــ عاوزه أعمل reflection على كل اللي بيحصل ده،

كحد بيشتغل في تصميم و تطوير الشركات، خليني بس أقول بوضوح تام:

”في وفرة من الفرص القويه في السوق“ - ”There is an abundance of opportunities“

تسريح العماله الضخمة دي و بالشكل ده و من أكبر شركات في العالم حاجة محصلتش صدفة،
بس خلينا نقول انها نجحت تخلق حالة من الرعب و عدم استقرار وظيفي و تمسك غير صحي بالوظيفة.

السبب الظاهري ؟ الذكاء الأصطناعي

🎯 لكن الحقيقة:
- هو أعادة تشكيل سوق العمل،
- الشركات بتعيد توزيع مواردها مش بتلغيها.
- الـAI مش بيستبدل الناس، لكنه حيغير طبيعية شغلهم.
- مراجعة القرارات الغلط اللي كانت بتحصل في التوظيف لأرضاء غرور بعض القادة و تعظيم ”الأيجو“ بفريق عمل كبير.
- أخيرا، ربط حقيقي لأهمية وجود الوظيفه دي ”آيا كانت هي أيه“ لتحقيق اهداف الشركة، بغض النظر عن الأشخاص نفسهم.

🎯 الفرصه فين؟
- فرصه كبيره جدا جدا في تنميه مهارات جديده و نركز جدا على الـCreativity، و الأبداع ممكن يكون في أي مجال مش فني بس.
- نجرب و نغلط و نتعلم عشان ده اللي بيخلق المرونة المطلوبه دلوقتي، لو بتخاف تجرب أجبر نفسك من دلوقتي.
- مش بس نطلع بره الصندوق.. لأ.. نطلع بره المجره نفسها و سيب الصندوق لأصحابه و أخلق لنفسك مساحة جديده تعمل فيها اللي بتحبه و شاطر فيه.

الفرص كتير جدا لو أنت عاوز تشوفها…