لو مش عارف شركتك بتشتغل أزاي؟ حتكبر أزاي؟

لو مش عارف شركتك بتشتغل أزاي؟ حتكبر أزاي؟

في أجتماع من يومين، سألت سؤال بسيط جدا:
أنت عارف شركتك شغاله ازاي؟
الأجابة: آه.. الشغل ماشي زي الفل.

و في الآخر مخدتش أجابة واضحة عن ازاي الشغل بيتعمل جوه الشركة.

فخليني أتكلم تاني عن Target Operating Model (TOM) وليه مهم لشركتك؟

الـTOM ببساطة هو الخريطة اللي بتوضح شركتك هتشتغل إزاي عشان توصل لأهدافها.

هو اللي بيربط بين الاستراتيجية وبين التنفيذ الفعلي جوه الشركة،
وبيحدد:
- الموارد.
- العمليات.
- التكنولوجيا.
- الأشخاص.

📌 مكونات الـTOM الأساسية:
أي نموذج تشغيل مستهدف بيبقى مبني على 6 حاجات أساسية:

✅ العمليات:
- الشغل بيتنفذ إزاي كل يوم؟
- هل الإجراءات سهلة وفعالة ولا معقدة وبتضيع وقت؟

✅ الهيكل التنظيمي:
- الأدوار والمسؤوليات واضحة؟
- مين بيعمل إيه ومين بيحاسب مين؟

✅ التكنولوجيا:
- هل الأدوات اللي الشركة بتستخدمها بتدعم الشغل؟
- زي أنظمة CRM، أدوات إدارة المشاريع، أو برامج المحاسبة السحابية.

✅ الحوكمة وإدارة المخاطر:
- إزاي القرارات بتتاخد؟
- وهل في رقابة وضمان للالتزام بالسياسات؟

✅ الموظفين والمهارات:
- هل الناس عندهم المهارات اللي تناسب أهداف الشركة؟
- محتاج تدريب؟ محتاج توظيف جديد؟

✅ البيانات وقياس الأداء:
- إزاي بتقيس نجاحك؟
- هل في مؤشرات أداء KPIs واضحة؟

📌 طب ليه شركتك محتاجة TOM؟
✅ توضيح الأدوار والمسؤوليات: كل واحد عارف شغله بوضوح.
✅ تسريع الشغل: العمليات أوضح فالشغل بيتم أسرع وبكفاءة.
✅ توسيع النشاط بسهولة: لما كل حاجة واضحة، التوسع بيبقى أسهل وأسرع.
✅ دليل في مشروعات التطوير: بيساعدك تنفذ أي تغيير في الشركة خطوة بخطوة.

💡طب إزاي تصمم TOM لشركتك بشكل عملي؟

١- حدد الاستراتيجية:
- عايز تحقق إيه بالظبط؟

٢- حلل الوضع الحالي:
- فين المشاكل والفرص؟

٣- صمم النموذج المستقبلي:
- شركتك هتشتغل إزاي بعد التعديل؟

٤- جهز خطة التنفيذ:
- هتبدأ منين؟ والموارد اللي محتاجها؟

٥- تابع و طور:
- طول ما الشركة بتشتغل لازم تقيس الأداء و تعدل لو لقيت مشاكل.

💡 و بس كده الـTOM مش مجرد رسم و خلاص، ده مانيوال عملي يوضح شركتك هتشتغل إزاي عشان تحقق أهدافها، بدل ما تسيب الناس تايه.